2018-09-10 [10:42 AM]

Hewlêr (ZNA) -

Encûmena Niştimanî ya Kurdî li Sûriyê (ENKS) êrîşa komara Îranê ser bi baregehan HDK û HDKA yên li Koyê û davekirina 3 çalakvanên Kurd bi tundî şermezar kir û ragihand, Îran terora xwe bi hemû dîmen û şêwazê belav dike.

Emîndariya Giştî ya ENKSê derbarê êrîşa Îranê li ser baregehên PDK û HDKA û bidarvekirina 3 çalakvanên Kurd de daxuyaniyeke şermezariyê belav kir û got, rêjîma Îranê terora xwe bi hemû dîmen û şêwazê belav dike, Îran bi darvekirina 3 xortên Kurd, hemû daxwazên rêxistinên mafên mirovan û raya giştî ya cîhanî piştguh kir û tenazî bi yasayên mirovatiyê kir.

Di daxuyaniya ENKSê de hat jî, dema HDK û HDKA di civînên xwe yên asayî de bûn, baregehên wan bi mûşekan hatin bombebarankirin, hejmarek ji endam û serkirdeyên wan hatin şehîdkirin û birîndarkirin.

ENSKê got jî, “Rêjîma Îranê bi destêwerdana xwe di karûbarên welatên din de, navçe xistiye şerekî û samanên wan welatan têk biriye. ”

ENKSê tekez kir, ti êrîşek Îranê ya hovane li ser baregehên bexwedanê yên li dijî terorê wî welatî xebatê dikin bişikîne. Îranê nikare vîna gelê Kurd û rijdbûna wî ya bidestxistina mafên xwe yên netewî yên rewa têk bibe.

Di dawiya daxuyaniyê de ENKSê serxweşî û sersaxî ji malbatên şehîdan re û hêviya çakbûna bilez ji birîndaran re xwast û daxwaz ji civaka navdewletî kir ku li hember destdirêjî û terorê wê raweste.