2018-09-09 [02:08 PM]

Hewlêr (ZNA) -

Piştî êrîşa mûşekî ya Îranê li ser binkeyên her du partiyên Demokrat li Koye, sipaha pasdaran bi fermî ew êrîş girte ser xwe û gefên zêdetir li partiyên rojhilat kirin.

Daxuyaniya sipaha pasdarên Îranê ya ku di malpera fermî ya Îranê de hatiye belav kirin de tê gotin; piştî tevgera partî û grubên çekdar ên rojhilat li navxwey Îranê gelek operasyon li parêzgehên Ormiyê, Sine û Kirmaşanê birêve çûne û duh jî hêzên esmanî yê sipahê bi hevbeş li gel yekîneyên bê balefirvan a hêzên bejayî ya sipaha pasdaran 7 mûşek avêtine cîhê wan partiyên rojhilatê Kurdistanê.

Daxuyaniyê de ti amaje bi cîhê êrîşê nehatiye kirin. Herwaha tê gotin: ‘’Em wan grubên terorîst hişyar dikin, sipaha pasdaran û besîcên Îranê bi hûrgilî çavdêrê tevgera wan in û em bi temamî amadene ji bo asayîşa navçeyê. Eger êrîşên wan dubare bibin emê bersiveke xiraptir û ji vê jî tundtir bidin.’’