2018-09-03 [01:48 PM]

Hewlêr (ZNA) -

Li Hewlêra paytexta Herêma Kurdistanê îro bi serpereştiya Serok Mesûd Barzanî 8. kongreya Yekîtiya Jinan a Kurdistanê li dar dikeve.

Yekîtiya Jinan a Kurdistanê sala 1952an li ser daxwaza Rêberê Tevgera Rizgarîxwaz a Kurd Mela Mistefa Barzanî hat damezrandin û heta niha 7 kongreyên xwe pêk anîne.

Serok Mesûd Barzanî di kongreyê de amade ye û destpêkê jî beşdarî pêşangeheke taybet bi dîroka xebata Yekîtiya Jinan a Kurdistanê di qonaxên cuda û karên bi destên jinan hatine çêkirin, bû.

Biryar e di vê kongreyê de Sekreter û desteyeke nû bo birêvebirina Yekîtiya Jinan a Kurdistanê bê hilbijartin.