2018-08-30 [12:15 PM]

Hewlêr (ZNA) -

 Xelkê bajarê Besrayê yê başûrê Iraqê peyameke spasiyê ji bo Dezgayê Xêrxwaziya Barzanî re rêkirin.

Îro 30.08.2018ê hejmarek berpirs û kesayetên bajarê Besrayê bi amadebûna nûnerê Dezgayê Xêrxwaziya Barzanî ve civînek çapemeniyê pêkanîn.

Wan kesayet û berpirsên Besrayê amaje bi vê yekê kirin ku bajarê wan rastî birsîbûn û bê aviyê hatiye û gelek caran daxwaza çareseriya rewşê li hikûmeta Iraqê kirine, lê li hewara wan ve nehatine.

Di civîna çapemeniyê de xelk û kesayetên Besrayê spasiya Dezgayê Xêrxwaziya Barzanî kirin û gotin hêvîdarin rêxistinên xêrxwaz ên Iraqê û cîhanê jî wek Dezgayê Xêrxwaziya Barzanî alîkariya pêwîst pêşkeşî xelkê bikin.

Di civîna çapemeniyê de kesayetên Besrayê amaje bi vê yekê kirin ku hikûmeta Iraqê gelek soz dane xelkê wî bajarî, lê ‘’Ti sozeke xwe bicîh neanîn.’’

Dezgayê Xêrxwaziya Barzanî milyonek û 300 hezar lîtreyên ava vexwarinê bi barhelgiran ve bo xelkê Besrayê rêkirin û bi rêya balefirgehê ve jî alîkariyên pêwîst û serekî yên jiyanê bo xelkê heman deverê rêkirin.