2018-08-26 [12:32 PM]

Hewlêr (ZNA) -

 Îro li sinorê Şingalê berpirsê binkeya tenduristiyê yê milîsên Heşdî Şeibî hat kuştin û du berpirsên din jî bi giranî birîndar bûn.

Medyaya Heşdî Şeibî di daxuyaniyekê de ragehand ku, di bûyereke hatinûçûnê de Ebu Eymen Hîcanî canê xwe ji dest da û berpirsê nexweşxaneya Xaqanî, herwiha berpirsê çaksazî û nûkirina nexweşxanê jî di wê bûyerê de bi giranî birîndar bûn.

Lê çavkaniyeke agehdar çîroka bûyera hatinûçûnê red kir û got ku, ew berpirsên Heşdî Şeibî ketine kemîna hin çekdarên nenaskirî de û rastî êrîşê hatine.

Tê zanîn ku, berî berî heyama deh rojan demijmêr 5:00 êvarî hejmarek balafir navçeya bazgeya sêgoşeya Şingalê topbaran kir, di encam de fermadeyê PKK Zekî Şingalî û 4 kesên din hatin kuştin.