2018-08-26 [11:44 AM]

Hewlêr (ZNA) -

Nûnerê Hikûmeta Herêma Kurdistanê li Parlamentoya Yekîtiya Ewropayê ragehand ku, biryare heftiya bê şendeke parlamentoya Belcîkayê serdana Herêma Kurdistanê bike û li gel serkirdeyên siyasî yên Herêma Kurdistanê bicive.

Nûnerê Hikûmeta Herêma Kurdistanê li parlamentoya Yekîtiya Ewropayê Dîlawer Ajgeyî ji BasNewsê re ragehand ku, şandeke peywendiyên derve ya Parlamentoya Belcîkayê û hejmareke rojnamevanên wî welatî dê heftiya bê serdana Herêma Kurdistanê dike û li gel serkirdeyên siyasî dicive.

Nûnerê Hikûmeta Herêma Kurdistanê li parlamentoya Yekîtiya Ewropayê da zanîn ku, ew şand dixwaze guhertinên dawîn ên li Herêma Kurdistanê û navçeyê ji nêzîk ve bibînin. Herwiha rewşa peywendiyên Hewlêr û Bexdayê binirxîne, taybet guhertinên piştî helbijartinên Iraqê.

Herwiha aşkere kir ku, ew şande  piştî Herêma Kurdistanê serdana Rojavayê Kurdistanê jî dike û raportekî amade bike û pêşkeşî Parlamentoya Belcîkayê dike.