2018-07-30 [12:14 PM]

Hewlêr (ZNA ) -

Berdevkê wezareta derve yê Îranê Behram Qasimî îro 30.07.2018ê aşkera kir, li gel Amerîkaya naha û ew siyaseta ku li dijî Îranê birêve dibe, bi ti awayekê derfetan ji guftûgoyê re nahêle û danûstan li gel Amerîkayê ne li holê ye û bawerî bi wan nayê kirin.

Behram Qasim îro di civîneke çapemeniyê ya heftan de bersiva pirseke derbarê şerê bi gotin ê di navbera Îran û Amerîkayê û egera guftûgoyê ya di navbera her du welatan de ragehand: ‘’Behsa derbarê rêkeftina atomî ronî û aşkera ye. Hin babet ji aliyê Amerîkayê ve û hin jî ji aliyê welatên din ve derbarê siyaseten Îranê de hatin gotûbêj kirin. Lê wan pirsane ti peyvendiya xwe bi rêkeftina atomî ve tineye.’’

Qasimî got: ‘’Dibe ku hin alî di nav hikûmeta Îranê de behsa guftûgoyê bikin. Lê xwe ji rêkeftina atomî vekêşîna Amerîkayê û hewldana zext û givaşê li ser aboriya Îranê ti derfeteke û mercekê bo danûstandinê li holê nahêle û ti tiştek wisa tineye.’’

Derbarê daxuyaniyên serokê Amerîkayê Donald Trump de jî got: ‘’Birêz Trump her roj ku ji xewê radibe, wisa dizane ku cîhan jî li gel wî ji xew radibe. Ji ber wê gotin û daxuyaniyên wî nabe cîdî bên girtin û ti nirxeke xwe tineye.’’