2018-07-30 [11:43 AM]

Hewlêr (ZNA) -

Îro li bajarê Silêmaniyê şandek bi serokatiya Nêçîrvan Barzanî li gel şandeke YNK bi serokatiya Kosret Resûl cviyan, tekezî li ser wê yekê kirin ku, divê kurd weke tîmekê biçne Bexdayê.

Li gor daxuyaniyekê li bajarê Silêmaniyê îro, Cîgirê sekreterê giştî yê YNK Kosret Resûl pêşwaziya Serokê Hikûmeta Kurdistanê Nêçîrvan Barzanî û şanda li gel kir.

Di civînê de Cîgirê sekreterê giştî yê YNK destxweşî li Serokê Hikûmeta Kurdistanê Nêçîrvan Barzanî kir bo vekirina projeya wêstgeha Bazyan û hêvî kir ku, pêngavên baştir bo çareserkirina kehrebê werin avêtin.

Helbijartinên Kurdistanê û pêkanîna hikûmeta nû ya Iraqê babetên din bûn yên civînê, herdu aliyan tekezî li ser çûna tîmeke hevbeş a kurdan bo Bexdayê kirin.