2018-07-22 [02:08 PM]

Hewlêr (ZNA)-

Hevpeymaniya erebî ragihand, li Yemenê bi dehan çekdarên Husî (milîsên şîe) hatin kuştin û komek jî dîl hatin girtin.

Li Yemenê şer di navbera milîsên şîe ku wek çekdarên Husî tên nasîn û hêzên hevpeymaniya erebî bi pêşengtiya Erebistanê didome.

Televîzyona El Erebiye ji zarê rayedarên hevpeymaniya erebî ragihand, şeva borî li herêmên Seide û Huce yên Yemenê şerekî giran di navbera her du aliyan de qewimî.

Li gorî nûçeyê, di wî şerî de herî kêm 119 çekdarên Husî hatin kuştin û 17 çekdar jî dîl hatin girtin.

Tê gotin ku hêzên hevpeymaniya erebî berê bi bajarê Baqim yê Yemenê ve pêşde diçin û kêm maye wî bajarî ji destê Husiyan derxînin.