2018-07-22 [12:44 PM]

Hewlêr (ZNA) -

Rêkeftineke serokê Rûsyayê û serokwezîrê Îsraîlê ya derbarê rojhilata navîn de aşkera bû.

Rojnameya Washington Post a Amerîkî naveroka rêkeftina Serokê Rûsyayê Vladimir Putin û Serokwezîrê Îsraîlê Benjamin Netenyahu belav kir û ragehand, rêkeftin berî civîna Putin û serokê Amerîka Donald Trump pêkhatiye.

Roja 16.07.2018ê Vladimir Putin û Donald Trump li paytexta Fînlandiya Helsînkiyê civiyan û piştevaniya wê rêkeftina Îsraîl û Rûsyayê kirine.

Li gor rojnameya Amerîkî belav kir, li gor rêkeftina di navbera her du welatan de, Îsraîl dê desthilatdariya rejîma Sûriyê ya li parêzgehên Dera, Siweyda û Quneytre yên başûrê Sûriyê nas bike.

Li hember vê yekê Rûsya jî dê pêbend be, hêz û milîsên ser bi Îranê li sînorên Îsraîlê 80 kîlometreyan bên dûrxistin û Rûsya jî rêgiriya bombebarana balefirên şer ên Îsraîlê yên li ser binke û baregehên hêzên Îranî yên li Sûriyê bên kirin nake.