2018-06-18 [11:19 AM]

Hewlêr (ZNA) -

Hat ragihandin ku li bajarê Osaka yê Japonyayê bi dijwariya 6.1ê erdhej pêk hat, li gor zanyariyê destpêkê di erdhejê de 3 kesan canê xwe ji dest da.

Saziya Lêkolîna Meterolojî ya Japonyayê di daxuyaniya xwe de ragihand ku li bajarê Osakayê bi dijwariya 6.1e erdhejek pêk hat. Li gor agahiyên Ajansa Afad a Neteweyî di erdhejê de herî kêm 3 kesan canê xwe j dest da û nêzîkî 200 kes jî birîndar bûn.

Piştî erdhejê li gelek avahiyan şewat derket, rê qelişîn û xetên avê yên bajêr zirareke mezin dîtin û hişyariya tsunamiyê hat kirin.

Erdhej bû sedema rawestandina seferên balafir û trênê jî. Li gor rayedarên fermî di santralên nûkleerî yên Takahama, Ohi û Mihamayê de ti zirarek pêk nehatiye.