2018-06-06 [12:29 PM]

Hewlêr (ZNA) -

Serokê kutleya biratiyê û pêkve jiyanê li Civata Parêzgeha Mûsilê diyar kir: ‘’Hêzên Amerîkayê bo çiyayê Şingalê û qeza Beacê û devera Um Zîban û Um Cirîs a sînorê qeza Beacê bicîh bûne. Em daxwaz dikin rêgiriyê li destverdana Îranê ya li deverê bike û rêya Îranê bo Sûriyê bê girtin.’’

Serokê kutleya biratî û pêkve jiyanê li Civata Parêzgeha Mûsilê Seydo Çeto ragehand: ‘’Hêzên Amerîkayê li serê çiyayê Şingalê mezargeha ‘’Çil Mêra’’ heta digehe Beacê belav bûne. Heta naha bo me wek civat aşkera nebûye niyeta wan a serekî hatina wan hêzên Amerîkayê li devera Şingalê û Beacê çiye. Lê dibe ji ber nemana bermayiyên terorîstên DAIŞê û girtina rêya di navbera Sûriyê û Îranê de hatibin. Em jî daxwazê ji hêzên Amerîkayê dikin rêgiriyê bikin li destverdana Îranê ya li deverê û rêya di navbera Sûriyê û Îranê de bê girtin.’’

Herwaha got: ‘’Eger hêzên Amerîka bo dabîn kirina aramiyê hatibin deverê û ev kareke gelek baş e. Daxwaza me ew e rêya Îranê bo Sûriyê di nav axa Iraqê de bê girtin û destverdanên Îranê li deverê nemînin.’’