2018-06-04 [01:03 PM]

Hewlêr (ZNA) -

Biryar e îro, wezîrê derve yê Amerîka Mike Pompeo û Wezîrê Derve yê Tirkiyê Mevlut Çavuşoglu li Washingtonê derbarê Minbicê hevdîtinekê pêkbînin.

Di hevdîtina herdu wezîran de rêkeftina di nabera şandên herdu welatan derbarê Minbicê û rêveberiya wê, herwiha derxistina Hêzên Sûriya Demokratîk(HSD) ji wê navçeyê were gotûbêj kirin.

Berî niha Wezîrê Derve yê Tirkiyê Mevlut Çavuşoglu ragehandibû ku, babeta derxistina HSD ji Minbicê û rêveberiyeke hevbeş ji Amerîka û Tirkiyê ji navçeyê re mijarên serkene di danûstandinên wî bi Pompeo re.

Ji aliyê xwe ve Hêzên Sûriya Demokratîk(HSD) ragehandin ku, ew ji bajarê Minbicê venakişin û ti rêkeftin derbarê derxistina wan ji wê navçeyê nehatine kirin.