2018-03-14 [11:09 AM]

Hewlêr (ZNA) -

Serokê Fransayê Emmanuel Macron ragehand ku, ew dê hevkariya Nêçîrvan Barzanî û Heyder Ebadî bo bihêzkirina diyaloka di navbera her du aliyan de bike û pêşwaziya vekirina fiorkexaneyên herêma Kurdistanê jî kir.

Di daxuyaniyekê de li ser rûpela xwe ya fermî ya Tiwîterê serokê Fransayê Emmanuel Macron kêfxweşiya xwe ji vekirina firokexaneyên herêma Kurdistanê re nîşanda û ragehand ku, Fransa dê hevkariya serokê hikumeta herêma Kurdistanê Nêçîrvan Barzanî û serokwezîrê Iraqê Heyder Ebadî bo bihêzkirina diyaloka di navbera her du aliyan de bike.

Îro, Sêşemê serokwezîrê Iraqê Heyder Ebadî biryar da ku, roja 15ê Adarê dorpêça li ser firokexaneyên herêma Kurdistanê bêne rakirin.

Serokê hikumeta herêma Kurdistanê Nêçîrvan Barzanî ji aliyê xwe pêşwazî li wê biryara hikûmeta Iraqê kir û got, ez spasiya serokwezîrê Iraqê Heyder Ebadî dikim. Ez hêvîdar im arîşeyên din jî di çarçoveya Qanûna Esasî ya Iraqê de bên çareserkirin.