2018-03-13 [12:56 PM]

Hewlêr (ZNA) -

Serokê berê yê Fransayê François Hollande, ragehand dive civaka navnetewî fişareke zêtir li ser Tirkiyê û Rûsyayê bike daku, şerê li Efrînê rawestîne û got ku kurdan di dema herî zehmet de alîkariya hevpeymaniya navnetewî kiriye.

Di daxuyaniyekê de bo rojnameya Le Mondeyê bangewaziya qedexeya firînê bo Efrînê kir û xwest, civaka navdewletî fişara zêdetir li ser Rûsya û Tirkiyeyê bike

Hollande da zanîn ku, Rûsya hêza bingehîn a li Sûriyeyê ye, eger hewlên Rûsyayê neyên sînordarkirin, metirsiyeke mezin heye.

Herwiha serokê berê yê Fransayê rola kurdan di şerê dijî DAIŞê bilind nirxand û wiha got: "Ez xwe berpirsiyar dibînim, dilê min bi kurdan veye min hê jibîr nekiriye ku wan di dema herê zehmet de, alîkariya hevpeymaniya navnetewî kirine û DAIŞ ji bajarê Reqa û deverên din derxistin.