|
Hewlêr (ZNA) - Parlamentera fraksiyona PDKê li encûmena nûnerên Iraqê ragehand, îro parlamentoya Iraqê deng li ser lijneya lêkolînê ji bo bûyerên Xurmatû da û ji îro û pê de lijne dikare biçe dest bi karê xwe bike.
Endama encûmena nûnerên Iraqê Eşwaq Caf ji BasNewsê re ragehand: ‘’Di civîna îro 08.01.2018ê ya encûmena nûnerên Iraqê de deng li ser lijneya lêkolînê bo bûyerên Xurmatû hate dayîn. Lijne îro û pê de dikare dest bi karê xwe bike.’’
Herwaha got: ‘’Endamê lijneya rewşenbîrî û ragehandinê jî li lijneyê hatiye zêde kirin. Ji ber di bûyerên Xurmatû de binpê kirin li hember hin kanal û rojnamevanan hatiye kirin. Naha lijne endamên mafê mirov, koç û koçberan, ewlehî û asayîş û rewşenbîrî û ragehandinê li xwe digre. Lê navên endaman di civîna îro de nehat anîn û dikare hejmar bê zêdekirin, yan jî kêm kirin.’’
Eşwaq Caf amaje bi vê yekê jî kir: ‘’ Armanca karê wê lijneyê diyar kirina binpê kirina ne û herkesê ku ew binpê kirin pêkanîbin divê bidin dadgehê û ew kesên ku zerer dîtine dê zererên wan bên telafî kirin.’’
2791 car hatiye dîtin |
|
