|
Hewlêr (ZNA) - Berpirsekî koçberên Iraqî yên li Kurdistanê dibêje, 600 hezar koçberên Iraqî ji tirsa şer û nebûna ewlehiyê nawêrin vegerin ser cih û warên xwe.
Berdevkê navenda alîkariyên mirovî li Duhokê, Salim Seîd, ku endamê desteya rêveberiya kampên koçberan e jî, ji BasNewsê re got, heta niha li devera Duhokê 3 kampên koçberên Iraqî vala bûne ji ber ku tevahiya koçberên wan kampan vegeriyane ser cih û warên xwe.
Salim Seîd her wiha got, lê 600 hezar koçber hîn mane. Ew ji tirsa şer û nebûna ewlehiyê her wiha nebûna xizmetguzariyan nawêrin vegerin gund û bajarên xwe. Em jî fişarê naxin ser wan, kengê xwastin dikarin vegerin.
Li gorî agahiyên BasNewsê, li kampên Xankê, Şariya û Bacid Kendala koçber mane û piraniya wan jî xelkê Mûsilê ne.2866 car hatiye dîtin |
|
