|
Hewlêr (ZNA) - Mîr û mezinên kurdên êzîdî daxwaz kirin Heşda Şeibî ji devera Şingalê were derxistin û rêveberiya wê deverê bikeve destê êzîdiyan.
Fermandeyê Pêşmerge li Şingalê û yek ji mezinên êzîdiyan, Qasim Şeşo ji BasNewsê re got, em wek mezin û mîrên êzîdiyan li mezargeha Şerfedîn civiyan. Me di civînê de ji her tiştî zêdetir behsa yekrêziya êzîdiyan kir.
Qasim Şeşo her wiha got, paşê me li ser hebûna Heşda Şeibî li Şingalê axivî. Tevahiya kesên ku di civînê de amade bûn, daxwaz kirin Heşda Şeibî ji Şingalê derkeve û rêveberiya deverê bikeve destê êzîdiyan.
Wî mezinê êzîdiyan anî ziman ku heta niha ne Heşda Şeibî ne jî ti hêzeke din, ti xizmetek negihandine xelkê Şingalê û got, ji ber wê jî bila ji devera me derkevin û em bixwe xwe birêve bibin.2863 car hatiye dîtin |
|
