|
Hewlêr (ZNA) - Hat zanîn ku Wezîrê Navxwe yê Iraqê Qasim Eirecî gotiye dê dawaz ji serokwezîrê Iraqê Heyder Ebadî bike qedexeya ser firokexaneyên Herêma Kurdistanê rake.
Pêr (25 vê mehê) berpirs û rêveberên dezgehên pasaport û nişîngeh û nasname yên Herêma Kurdistanê çûbûn Bexdayê û bi wezîrê navxwe yê Iraqê Qasim Eirecî re hevdîtin kiribû.
Piştî hevdîtinê, şanda Kurdistanî da zanîn ku wan bi wezîrê navxwe yê Iraqê re li ser arîşe û kêmasiyên dayîna pasaport, nişîngeh û nasnameyê gotûbêj kirine, wezîr jî soz daye ku wan arîşeyan di çarçoveya qanûnê de çareser bike.
Li gorî agahiyên şanda Kurdistanî, wezîrê navxwe yê Iraqê soz daye ku daxwaz ji serokwezîrê Iraqê Heyder Ebadî bike qedexeya ser firokexaneyên Herêma Kurdistanê rake.
Hikûmeta Iraqê ji kerba referandoma serxwebûna Kurdistanê, qedexe daniye ser firokexaneêyên Kurdistanê.2983 car hatiye dîtin |
|
