|
Hewlêr (ZNA) - Nivîsgeha serokê Iraqê Fûad Masûm daxuyaniyek derbarê axaftinên şêwirmendê serokê Iraqê Ebdilletîf Reşîd belav kir û têde tekez kir, ku axaftinên Reşîd ji rojnameya El-Sebah El-Cedîd re, taybet in bi wî û ti pêwendiya wan axaftinan bi helwesta fermî ya serokatiya Iraqê re tine ye.
Di daxuyaniya serokatiya Iraqê de hatiye, tevahiya nerîn û helwestên serokatiya Iraqê di malpera serokatiyê de, û bi riya daxuyaniyên serokomar ji bo dezgehên ragihandinê re tên belavkirin.
Duh Ebdilletîf Reşîd, ji rojnameya navhatî re gotibû: "Hikûmeta Herêma Kurdistanê nûneratiya xelkê Kurdistanê nake û serokê Partî ya Demokrat a Kurdistanê karûbarên Herêma Kurdistanê birêve dibin".
Van gotinan dilgiraniyeke mezin li cem serokê Iraqê çêkir û bi tundî ew gotin red kir.2875 car hatiye dîtin |
|
