2017-08-24 [10:03 AM]

Hewlêr (ZNA) -

Şaneya ragehandina şer îro Çarşemê ragehand ku, di çareçoveya operasyona rizgarkirina Tilaferê de Hêzên Iraqê karîn 5 gundan û zincîra çiyayê Şêx Ibrahîm ji destê çekdarên DAIŞê rizgarbikin.

Fermadarê operasyona rizgarkirina bajarê Tilaferê ferîq rukin Ebdulemîr Yarela di daxuyaniyekê de bo malpera shefeq News re agehand ku, yekîneyên firqeya 15 ya Hêzên Iraqê karîn gundê Şêx Ibrahîm, In Elwah û Hemret El-Ereb ku dikeve rojavayê nahiya El- Mehlebiye rizgarbikin.

Herwiha di daxuyaniyeka din de fermadarê operasyona rizgarkirina bajarê Tilaferê ferîq rukin Ebdulemîr Yarela ragehand ku, yekîneyên firqeya 16 gundê El-Aşiq 1 û 2 kontirolbikin.

Berî niha jî Hêzên Iraqê rizgarkirina Taxa El-Kifah a başur û bakur û taxa Tenek û gundê Mele Casim ragehandibû.