2017-07-18 [01:39 PM]

Hewlêr (ZNA) -

Fermandarê Firqeya 9 ya Zirxî ya Artêşa Iraqê  plana kontrolkirina navçeya Tileferê ragihand û tekez kir, ku ti grûbeke Heşda Şeibî beşdarî operasyonê nabe. 

Fermandarê Firqeya 9 ya Zirxî ya Artêşa Iraqê  Ferîq Rukin Qasim Nezal da xuyakirin, plana kontrolkirina navçeya Tileferê hatiye amadekirin û  hêzên ewlekariyê li benda demjimêr "0" ê ne daku dest bi operasyonê bikin. 

Derbarê wan hêzên ku beşdarê operasyonê bibin, Nezal da xuyakirin: “Ew hêzên ku beşdarê operasyonê bibin, heman ew hêz in ku di operasyona Mûsilê de beşdar bûn û ti aliyekê Heşda Şeibî di operasyona kontrolkirina Tileferê de beşdar nabe.”

Roja 10ê Tîrmehê Serokwezîrê Iraqê Heyder Ebadî kontrolkirina bajarê Mûsilê ji destê DAIŞê ragihandibû.