2017-04-27 [12:24 PM]

Hewlêr (ZNA)-

Hêzên Heşda Şeibî li başûrê Mûsilê navçeya Hezerê bi tevahî kontrol kirin.

Li gor daxuyaniya Fermandariya Heşda Şeibî, bi ser navçeya Hezerê operasyon hatiye lidarxistin û di encama operasyonê de navçeya Hezerê bi tevahî hatiye kontrolkirin.

Roja sêşema 25ê Nîsana 2017an Hêzên Heşda Şeibî bi navê Muhemmedun Resûlullah bi ser navçeya Hezerê operasyon dabûn destpêkirin û piştî du rojan ew navçe bi tevahî hate kontrolkirin.

Hat ragihandin, ku di operasyonê de 61 çekdarên DAIŞê hatine kuştin ku ji wan 19 çekdar êrîşkarên xwekujiyê bûne. Herwiha 8 wesayîtên bombekirî û gelek bere û tunelên DAIŞê hatine îmhakirin.  

Navçeya Hezerê 80 kîlometre dûrî başûrê Mûsilê ye û devereke stratejîk e ku parêzgehên Neynewa, Selahedîn û Enbarê bi hev ve girê dide.

Herwiha Rêveberiya Heşda Şeibî diyar kir, ku 5 hezar û 500 awareyên xelkê Hezerê vegerandine cih û warên wan.