2017-04-17 [11:14 AM]

Hewlêr (ZNA) -

Rêberê Tevgera Sedir a Iraqê, Muqteda Sedir mûçeyên karmendên tevgera xwe bo nîvî kêm kir.

Muqteda Sedir ragihand, ku Tevgera Sedir rastî qeyrana darayî bûye û ji ber wê yekê biryara kêmkirina mûçeyên ser bi tevgerê ve daye.

Sedir got, ji ber wê qeyrana darayî ku rastî Tevgera Sedir bûye, pêwîst e aliyên pêwendîdar ên nava vê tevgerê mûçeyên hemû beş û navendên tevgerê kêm bikin û bo nîvê mûçeyên berê daxînin.

Sedir daye xuyakirin, kêmkirina mûçeyên karmendên Tevgera Sedir dê heta 6 mehan berdewam be.

Rêberê Tevgera Sedir, di biryara xwe de tekez kiriye, ku kêmkirina mûçeyan malbatên şehîdan li xwe nagire.

Muqteda Sedir daxwaz ji endam û alîgirên tevgera xwe jî kiriye, ku aram bin û sebrê bikin.