2017-04-09 [11:49 AM]

Hewlêr (ZNA) -

Koçberbûna xelkê rojavayê bajarê Mûsilê berdewam e, li gora zanyariyên saziyên koçberan, rojane nêzîkî hezaran kes li wî beşê Mûsilê bi sedema şer koçber dibin.

Tora rêxistinên civaka sivîl a Îraqî radigihîne ku rojane bi sedan malbat ji rojavayê Mûsilê koçber dibin û bi ser 5 kampan de têne parvekirin.

Herwiha dibêje, di dema 3 rojên derbasbûyî de zêdetirî 9 hezar kes hatine rizgarkirin. Lê hîna bi hezaran kes li navçeyên di bin destê DAIŞê de mane û rizgar nebûne.

Li gora zanyariyan DAIŞ rê nade xelkê rojavayê Mûsilê ku xwe rizgar bikin û wan weke mertalên mirovî ji xwe re bikar tîne.

Hinek çavkanî li Mûsilê dibêjin, di çend rojên derbasbûyî de DAIŞê bi tometa hewldana revê hejmareke xelkê li sêdarê dane.