2017-01-05 [12:04 PM]

Hewlêr (ZNA) -

Li paytexta Iraqê bajarê Bexdayê teqînek çê bû û di encamê de 10 kes hatin kuştin.

Li gorî agahiyan, îro pênşemî 5ê Çileya 2017ê li devera Bab Muezem a bajarê Bexdayê teqînek çê bû.

Teqîn bi rêya otomobîleke bombekirî bûye û di encamê de kuştî û birîndar hene.

Berdevkê Operasyonên Serbaziyên bexdayê, Seid Mein di daxuyaniyekê de ragihand: “Otomobîleke ji corê Elentra li pêşiya parkîngeke otomobîlan li devera Bab Muezem a Bexdayê teqiya.”

Seid Mein da xuyakirin: “Di encama teqîna vê otomobîla bombekirî de 10 kes hatin kuştin û 7 kesên din jî birîndar bûne.”

Rewşa ewlehiya bajarê Bexdayê xirab e û rojane teqîn û êriş li paytexta Iraqê diqewimin.