2016-11-26 [10:52 AM]

Hewlêr (ZNA) -

Desteya Heşda Şeibî ji hevpeymaniya navdewletî daxwaz kir, ku sedema bombebarankirina Firokexaneya Tileferê eşkere bike.

Roja 24-11-2016 Serokwezîrê Iraqê Heyder Ebadî û fermandarên Heşda Şeibî serdana Firokexaneya Tileferê kirin. Piştî ku Ebadî û şanda pê re ji firokexaneyê derketin, çend mûşek li fiorkexaneyê teqiyan.

Desteya Heşda Şeibî bi daxuyaniyekî nivîskî ragihand, “Çikê civîna berpirsên me bi mûşekan hetiye bombebarankirin û di encamê de şervanên me birîndar bûne.”

Di daxuyaniyê de hatiye gotin, ku piştî lêkolînan derketiye hole, ev mûşek ne ji aliyê DAIŞê ve, bi mûşekên lazerî ji aliyê firokeyan ve hatiye bombebaran kirin.

Desteya Heşda Şeibî amaje bi wê yekê kir, ku di dema bombebaranê firokeyên hevpeymanan li esmanê Tileferê digeriyan û daxwaz kir, ku ev mijar bê ron kirin.