2016-11-26 [10:19 AM]

Hewlêr (ZNA) -

Berpirsê Ragihandina Liqa Mûsilê ya PDKê ragihand ku Serokê Dadgeha Şerîetê yê DAIŞê ji Mûsilê reviye.

Berpirsê Ragihandina Liqa 14 a PDKê li Mûsilê Seîd Memûzînî di daxuyaniyekê de ragihand, roja pênşemê (24-11-2016), Serokê Dadgeha Şerîetê yê DAIŞê Nîzam Rûfahî, ku dostekî nêzîkî Ebûbekir Bexdadî ye, ji Mûsilê reviye Sûriyê.

Seîd Memûzînî ragihand: “Niha ti endamekî serkirtetiya şûraya xelîfetiya DAIŞê li parêzgeha Mûsilê nemaye. Bexdadî beriya niha jî ji berpirsên DAIŞê re gotibû, ku eger hûn nikarin berevaniyê bikin, Mûsilê wêran bikin û birevin.”

Roja 17ê Mijdarê Serokwezîrê Iraqê Heyder Ebadî ragihandibû ku operasyona Mûsilê dest pê kiriye. Hêzên Pêşmerge û Artêşa Iraqê karîne heta niha rûberekî fireh ê deşta Nînowa ji destê DAIŞê derbicin.

Li gorî amarên serbazî heta niha di operasyonê de 2 hezar û 300 çekdrên DAIŞê hatine kuştin, ku di nav de berpirsên DAIŞê jî hene.