2016-11-03 [12:35 PM]

Hewlêr ( ZNA)

Xelîfeyê” DAIŞê Ebûbekir el-Bexdadî bang li çekdarên rêxistinê kir ku ew Tirkiyê dagir bikin.

Medya bi ser DAIŞê ve tomarikî dengî belav kir û îdia dike ew dengê Serokê rêxistina DAIŞê Ebubekir el-Bexdadî ye.

Di tomarî dengî de tê gotin operasyona rizgarkirina Mûsilê dê sernekeve û ji bo Tirkiyê jî wiha hatiye gotin; “Tirkiye îro êdî ketite ber menzîla we û bûye hedefa cîhada we. Tirkiyê dagir bikin û tirsê bixin nav cihên ku ewle dibînin.”

Li gor nûçeya Reutersê tomara dengî ji 31 xulekan pêk tê lê hêj nehatiye piştrastkirin sedî sed dengî Bexdadî ye.

Berdewamiya tomara dengî de derbarê operasyona rizgarkirina Mûsilê de wiha hatiye gotin:

“Bi şerê cîhadê ku her diçe dijwartir dibe em nêzîkî serkeftinê bûne. Bila gelê Neynewayê rê nede ku cîhada me ya li hemberî dijmînên Xwedê lawaz bibe.”

Bexdadî wiha bangî tîma xwekuj a DAIŞê dike: “Roja kesên bêbawer li wan bikin şev. Li ser axa wan wêraniyê bikin û bila xwîna bibin golên avê.”