2016-10-08 [07:54 PM]

Hewlêr (ZNA) -

Çekdarên DAIŞê êrîşê navçeya Şergat a parêzgeha Selahadînê kir û tê gotin avahiya qaymiqamiyê ketiye destê DAIŞiyan. Li navçeyê hatin û çûn hate qedexekirin.

Serokê Civata Şaredariya Şergatê Elî Dudih ragihand ku Fermandariya Operasyonên Selahadînê û dezgehên ewlekariyê, hatin û çûna navçeyê qedexe kirine.

Dudih da zanîn ku li gorî agahiyên îstîxbarîçend xwekujên DAIŞê ketine nav navçeyê.

Medya erebî ragihand ku şeva din çekdarên DAIŞê ji du milan ve ketine Şergatê û avahiya qaymiqamiyê û parka zarokan a li bakûrê navçeyê kontrol kirine.

Fermandariya Operasyonên Hevbeş ê Selahadîna Iraqê roja 22ê Îlonê ragihandibû ku nevçeya Şergatê bi temamî hatiye rizgarkirin.