2016-09-19 [10:57 AM]

Hewlêr (ZNA) -

Berpirsê Rêxistina Bedir a milîsê Şîe Hadî Amirî got, heger Iraq perçe bibe dê şerê navxweyî derbikeve.

Berpirsê Rêxistina Bedir a milîsê Şîe Hadî Amirî li Diyalayê piştî civîna bi rayedarên ewlekariyê re, derbarê herêmên di bin kontrola DAIŞê de daxuyanî da.

Hadi Amirî wiha got: “Vebijarkên operasyonên rizgarkirina Havicê, Mûsil û Şergatê li ber hêzên ewlekariya Iraqê ne.”

 Amirî wiha domand: “Ez dixwazin Sistema heremî hebe, lê ne bi mercên nijadî, mezhebî û êşirî. Çimkî Iraqê bi vî awayî perçe bibe dê şerê navxweyî derbikeve.”

Heta niha nediyar e ku kijan hêz dê beşdarî operasyona rizgarkirina Mûsilê bibin.

Berpirsên Wezareta Berevaniya Amerîkayê dibêjin operasyona Mûsilê dê meha pêşiya me dest pê bike û bi ve mebestê hêzê dişîne Iraqê.