2016-09-10 [06:34 PM]

Hewlêr (ZNA) -

Êvariya roja înê li bajarê Duhokê 4emîn Festîvala Navneteweyiya Fîlm a  Duhokê dest pê kir û festival dê heta 16ê Îlonê berdewam be.

Ji ber kirîza darayî ya li Herêma Kurdistanê, pêştir hatibû ragihandin, ku Festîvala Navdewletî ya Fîlm a Duhokê îsal nayê sazkirin, ku ew yek rastî gazinde û nerazîbûnên mezin ên hunermend, sînemakar û hin rayedarên pilebilind di asta Kurdistanê û cîhanê de hat.

Lê belê piştre hat ragihadin, ku festîval dê were sazkirin.

Roja înê danê êvarê 4emîn Festîvala Navdewletî ya Fîlm a Duhokê dest pê kir û heta hefteyekê berdewam dibe.

Biryare di festîvala îsal de jî ji welatên cuda film beşdar bibin. Herwiha berpirsên hikûmetê, yên Wezareta Rewşenbîrî, hunermend û sînemahez jî di festîvalê de amade bin.

Duhok yek ji parêzgehên Herêma Kurdistanê ye ku pirr nêzîkê eniyên şer e û tenê 40 km dûrî çeperên DAIŞê ye.