2016-09-04 [02:29 PM]

Hewlêr (ZNA) -

Seroka fraksyona îrade li parlamentoya Iraqê ragehand, ku serdana bajarê Silêmaniyê kiriye û li gel rêveberên YNKê û Tevgera Gorran wê bicive.

Seroka fraksyona îrade li parlamentoya Iraqê Henan Fetlawî ragehand, serdana wê ya Silêmaniyê pir giringe, ji ber çawa Necef û Kerbela qibleya şîeyanin, Silêmanî jî qibleya Kurdistanê ye.

Henan Fetlawî dibêje, pêwîste piraniya partî û kutleyên siyasî kêmasiyên xwe bibînin, ku berdewam serdana Hewlêrê dikirin û ragehand; ‘’Ew pêşketîbûn û bingehê li Silêmaniyê heyî mirov ecêb dihêle û divê herkesekî xêra Iraqê bixwaze serdana Silêmaniyê bike.’’

Ew parlamentera Iraqê qutkirina mûçeyê fermanberên Kurdistanê û ragirtina beşa budceya Kurdistanê dixe stuyê hikûmeta herêma Kurdistanê û radigehîne: ‘’Ew babet peyvendiya xwe bi pirsa neftê ve heye.’’

Fetlawî bi daxuyaniyên tund û êrîşa li ser gelê kurd û dijî mafên gelê kurd ên hatine naskirin ve tê naskirin, amaje bi vê yekê jî kir, ku serdana wê ya Silêmaniyê li gel rêveberên YNKê û Gorran wê bicive û pîrozbahiya rêkeftinê wê li wan bike.