2016-08-10 [11:24 AM]

Hewlêr (ZNA) -

Li Bexdayê agir girte beşa jinan a Nexweşxaneya Yermûkê û di encamê de 24 zarokên sava jiyana xwe jidest dan.

Wezareta Tendirustî ya Iraqê ragihand ku li beşa jinan a Nexweşxaneya Yermûkê agir girtiye aliyê zarokan û paşî kepsola oksîjenê teqiye.

Di daxuyaniya Wezareta Tendirustiyê de hatiye gotin ku hêzên berevaniya şaristanî, agirvemirandinê û hêzên ewlekariyê gihiştine cihê bûyerê û agir kontrol kirine.

Li gor daxuyaniyê agir di beşa jinan de derketiye û ji wir gehiştiye cihê zarokan. 

Çavkaniyên ewlekariyê diyar dikin ku dibe agir ji ber elektirîkê derketibe.

Welatiyên li ber avahiya nexweşxaneyê jî gotin, ji ber bêxemiyê, rêveberiya naxweşxaneyê berpirs girtin.