2016-07-20 [11:25 AM]

Hewlêr (ZNA) -

Serokwezîrê Iraqê Heyder Ebadî îsîtfaya 6 wezîrên kabîneya xwe pesend kir.

Ofîsa Serokwezîrê Iraqê Heyder Ebadî daxuyaniyek belab kir û tê de ragihand, Ebadî dest ji kar berdana 6 wezîrên hikûmetê pejirand.

Li gorî daxuyaniyê, îstîfaya Wezîrê Petrolê, Wezîrê Veguhastinê, Wezîrê Avedankirin û Akincîkirinê, Wezîrê Çavkaniyên Avî, Wezîrê Pîşesazî û Wezîrê Navxwe ji aliyê Serokwezîr Ebadî ve hat qebûlkirine.

Wezîrên ku dest ji kar berdane ser bi wan aliyên siyasî ne:

Wezîrê Petrolê Adil Ebdulmehdî ser bi Encumena Bilind a Îslamî ya bi serokatiya Emar Hekîm.

Wezîrê Veguhastinê Baqir Cebr Zubeydî ser bi Encumena Bilind a Îslamî ya bi serokatiya Emar Hekîm.

Wezîrê Navxwe Mihemed Salim Xeban ser bi Rêxistina Bedir bi serokatiya Hadî Amirî.

Wezîrê Avedankirinê û Akincîkirinê Tariq Xeykanî ser bi Tevgera Sedir û bi serokatiya Muqteda Sedir.

Wezîrê Çavkaniyên Avî Muhsin Şemerî ser bi Tevgera Sedir bi serokatiya Muqteda Sedir.

Wezîrê Pîşesaziyê Mihemed Deracî ser bi Tevgera Sedir bi serokatiya Muqteda Sedir.