2016-07-02 [08:08 AM]

Hewlêr (ZNA) -

Fermandeyê Operasyonên Neynewa general Necim Cibûrî ragihand,DAIŞ ratsî şikestinê hatiye.

General Necim Cibûrî îro di konfranseke rojnamevanî de li navçeya Mexmûrê got: Me bi Hêzên Pêşmerge re hevrêziyek baş bo rûbirûbûna terorê û şerîê li dijî DAIŞê heye.

Necim Cibûrî da xuyakirin, Artêşa Iraqê li ser encamdana operasyonên leşkerî yên dijî çekdarên DAIŞê berdewam e û kariye pêşketinên baş bi dest bixe.

Cibûrî amaje bi operasyona hêzên iraqî li gundê Hacî Elî kir û da zanîn: “Me kariye pêşketinek berçav bi dest bixin û heta niha %75ê gund ji aliyê hêzên me hatiye kontolkirin.”

Fermandeyê Operasyonên Neynewa destnîşan kir, gundê hacî Elî cihekî gelek stratejîk e. Sînorê wî gundî bi dirêjî 7 km û paniya sînorî wê jî 3 km dibe, herwiha zêdetirî 25 hezar kes tê de dijîn.

General Necim Cibûrî ragihand, operasyonên hêzên Iraqê li dijî çekdarên DAIŞê berdewam in û ew hêvî dikin ku heta cejnê xelkê wî gundî ji detsê DAIŞê werin rizgarkirin.

Cibûrî tekez kir, DAIŞ li Iraqê rastî şikestinek mezin hatiye û rûxiyaye û şiyana şerkirinê ji dest daye, ji ber wê jî ew dê bi hemû şiyanên xwe rûbirûyê wan şer bikin.