2016-06-23 [07:45 AM]

Hewlêr (ZNA) -

Di çarçoveya Euro 2016ê de îro her du tîmên futbolên yên Îtalya û Komara Îrlandayê hatin pêşberî hev.

Saet 22:00 a şeva 22ê Hezîran a 2016ê lîstika navbera her du tîmên Îtalya û Komara Îrlandayê dest pê kir. Ew lîstik ji bo tîma Tirkiyê jî giring bû û çarenivîsa Tirkiyê bo derbasbûn an jî derbasnebûn bo qonaxa din a Euro 2016ê girêdayî vê lîstikê bû.

Di vê lîstikê de, tîma Komara Îrlandayê karî bi encama 1-0 ji tîma Îtalya bibe û 3 puwanên giring û herwiha serketinek mezin bi dest bixe.

Gola tîma Îrlandayê di xûleka 85an de û ji aliyê yarîzan Robbie Brady ve hat lêdan.

Herwiha îşev her du tîmên Swêd û Belcika jî bi hev re lîstin.

Lîstika navbera her du tîman jî bi encama 1-0 bi qazanca Belcîkayê bi dawî hat.