2016-06-21 [08:21 AM]

Hewlêr (ZNA) -

Tîma futbolê ya Wêlz di Kûpaya Euro 2016 de bi encama 3-0 ji tîma Rûsya bir.

Di çarçoveya Kûpaya Netewên Ewropayê, Euro 2016 de ku îsal li Fransa birêve diçe, îşev ji saet 22:00an ve her du tîmên futbolê yên Wêlz û Rûsya hatine pêşberî hev.

Nîveya yekem a lîstikê bi serdestiya tîma Wêlzê dest pê kir û wê tîma di vê nîveyê de 2 gol tomar kir.

Yarîzan Aaron Ramsey di xûleka 11an a lîstikê de gola yekem û yarîzan Neil Taylor di xûleka 20an de gola duyem a Wêlzê tomar kirin.

Nîveya yekem bi encama 2-0 bi qazanca Wêlzê bi dawî hat.

Herwiha di nîveya duyem a lîstikê de jî tîma Wêlzê karî baştir bilîze û sûdê ji derfetên xwe yên golê bibîne.

Di xûleka 67 a lîstikê de yarîzan Gareth Bale gola sêyem a lîstikê û tîma xwe tomar kir û lîstik bi encama 3-0 bi dawî hat.