2016-06-19 [09:24 AM]

Hewlêr (ZNA) -

Hizba Dawa ku Serokwezîrê Iraqê yê berê Nûrî Malikî serokatiya wê dike ragehand ku dabeşkirina Iraqê bo ser sê dewletên serbixwe, Şîe, Sunne û Kurd baştirîn çareserî ye jibo aramiyê û derçûn ji rewşa aloz ku niha Iraqê têdeye.

Parlementara Iraqî ser bi Hevpeymaniya Malikî ve di daxuyaniyek rojnamevanî de ragehand ku, hevpeymaniya wan piştevaniya dabeşbûna Iraqê û Serxwebûna Kurdistanê dike, lêbelê piştî ku Iraqê bi temamî ji DAIŞê were rizgar kirin.

Navboriyê got: “Bexda dûrî êrîşên DAIŞê û gefên wê ye û kar dike jibo çakirina pêwendiyên xwe yên navdewletî.”

Herwiha got: “DAIŞê dê bişkê, pêwîste Iraq jî jibo 3 dirawseyên cuda Şîe, Sunne û Kurd were dabeş kirin, jibo xwînek ji wilo bêhtir neyê rijandin û hemû pirsgirêk jî werin çareser kirin.”

Navboriyê eşkere jî kir ku, pêkhateyên Iraqê nema baweriya wan bi pêkvejiyanê tê û nema krin di bin yek sîstemî de ligel hev bijîn û got: “Em piştevaniya pirojeya serxwebûna Kurdistanê dikin.”