2016-06-09 [01:17 PM]

Hewlêr (ZNA) - Li paytexta Iraqê bajarê Bexdayê bombeyeke bihêz teqiya û di encamê de 23 kes hatin kuştin û 40 kes jî birîndar bûn.

Li gorî medyayên Iraqê, di encama teqîna bombeyeke bihêz li navçeya Bexdaya nû, ku dikeve rojhilatê paytext Bexdayê 23 kesan jiyana xwe ji dest da û 40 kes jî birîndar bûn. Çavkaniyên ewlehiya Iraqê ragehandin, îro serê sibê teqînek bihêz li rojhilatê Bexdaya paytexta Iraqê pêkhat û li gel xwe di encamê de bû sedemê 23 kuştî û 40 birîndaran.
 
Herwaha heman çavkaniyên ewlehiyê diyar kirin: ‘’Ew teqîna bihêz li rojhilatê Bexdayê û nêzîk sînemaya Beyza ya navçeya Bexdaya nû pêkhatiye.’’ Çavkaniyên din ên Iraqê jî dibêjin hejmara kuştî û birîndaran dibe ku zêdetir be.
 
Ji aliyekê din ve teqîneke din a terorîstî nêzîk binkeyê leşkerî yê Tac ku dikeve bakûrê Bexdayê pêkhat. Lê heta naha derbarê wê teqînê û hejmara kuştî û birîndaran de tu daxuyaniyek nehatiye dayîn.