|
Hewlêr (ZNA) - Serokwezîrê Berê yê Iraqê Nûrî Malikî piştgîrî da rêkevtina navbera YNKê û Gorranê.
Serokê Îtîlafa Dewleta Yasa û Serokwezîrê Berê yê Iraqê Nûrî Malikî îro helwesta xwe derheqê rêkevtina siyasî ya navbera Yekîtiya Niştîmaniya Kurdistanê (YNK) û Tevgera Gorranê aşkera kir.
Nûrî Malikî di nivîsekê de ku li ser hesaba wî ya di tora civakî ya Facebookê de hatiye belavkirin, derbarê rêkevtina nevbera YNK-Gorranê de got, ji hev nêzîkbûna vê dawiyê di navbera YNK û Gorranê de giring e bo derbaskirina dabşebûnên nav Herêma Kurdistanê.
Malikî herwiha da xuyakirin, ku ew rêkevtin dibe pêngavek be bo têgihîştina hevbeş ligel Bexdayê.
YNKê û Gorranê duh sêşemî 17ê Gulanê li mala Sekreterê Giştî yê YNKê Celal Talebanî li bajarê Silêmaniyê rêkevtinek bi hev re îmza kirin.
Rêkevtina navbera her du aliyan ji 25 made û 11 beşan pêk tê û ji aliyê Cîgirê Yekem ê Sekreterê Giştî yê YNKê Kosret Resûl û Serokê Giştî yê Gorranê Newşîrwan Mistefa ve hat îmzakirin.
3577 car hatiye dîtin |
|
