2016-05-10 [11:28 AM]

Hewlêr (ZNA) - Biryare îro 10ê Gulanê Parlementoya Iraqê bicive, lê parlamenterên Kurd di civîna îro de amadenabin.

Serokê Parlamentoya Iraqê Selîm Cibûrî pêştir ragihandibû, ku dê roja sêşemiya vê hefteyê kombûna parlamentoyê bê sazkirin. Daxwaza Selîm Cibûrî bo sazkirina civîna parlamentoyê piştî êrişa xwepêşanderan bo ser avahiya parlamentoyê li taxa Kesk a bajarê Bexdayê tê.

Cibûrî bo beşdarkirina parlamenterên Kurd di vê civînê de serdana Herêma Kurdistanê kir û li Silêmaniyê bi çend partiyên Kurd re rûnişt û daxwaza beşdarbûna di civînê de ji wan kir, lê hemû hêzên Kurdî bi zelalî daxwaza Cibûrî red kirin.
 
Parlementerê Kurd ê ser Fraksyona Partiya Demokrata Kurdistanê (PDK), di Parlementoya Iraqê de Dr. Erefat Kerem di vê bareyê de ragehandz, piştî aloziyên vê dawiyê yên parlmentoya Iraqê, ne hêsane ku parlemen bilez vegere ser karê xwe, tevî ku biryare parlemen civîna xwe ya asayî lidarxie, lê belê parlementarên PDKê beşdarî civînê nabin û parlementarên Kurd ên faksyonên din jî beşdar nabin.
 
Navborî herwiha ragihand, ku rêjeya yasayî bidestnaxe, hejmara parlementaran dê gelekî kêm be û civîn dê bê encam bidawî bibe.