2016-04-30 [11:46 AM]

Hewlêr (ZNA) - Çend parlamenterên Kurd ên parlamentoya Iraqê ku piştî derbasbûna xwepêşanderan bo nav avahiya parlamentoyê asê bibûn, hatin rizgarkirin.

Îro piştî xwepêşanderên nerazî yên alîgirên Sedir rêbendên ewlehiyê yên taxa Kesk a bajarê Bexdayê derbas kirin û êrişî parlamentoyê kirin û çûne nav avahiya parlamentoyê, çend parlamenter di avahiyê de asê man ku çend kes ji wan Kurd bûn.

Seroka Fraksyona Yekîtiya Niştîmaniya Kurdistanê (YNK) Ala Talebanî ragihand, ew û 5 parlamenterên din ên Kurd ku piştî derbasbûna xwepêşanderan bo nav parlamentoyê asê mabûn, hatine rizgarkirin.

Ala Talebanî li ser hesaba xwe ya Facebookê got: Spas ji xemxoriya we re. Ez û hevlaên bi min re, em ji wê dorpêça xwepêşanderan rizgar bûn.