2016-04-30 [09:49 AM]

Hewlêr (ZNA) - Li paytexta Iraqê bajarê Bexdayê otomobîleke bombekirî teqiya û di encamê de 24 kesan jiyana xwe ji dest da û zêdetirî 38 kesan jî birîndar bûn.

Polîsê bajarokê Nehrewanê li rojhilatê bajarê Bxdayê ragihand, otomobîleke bombekirî li nav bazara ajelan a bajarokê Nehrewanê de teqiya. Polîs ragihand, otomobîl bi rêya kesekî xwekuj ve hat teqandin.

Li gor daxuyaniya polîs, di encama teqînê de 24 kesan jiyana xwe ji dest dane û herî kêm 38 kes jî birîndar bûne.

Birîndar ji bo dermankirinê rakirin nexweşxaneyên derdorê.

Hevdem Rêxistina Terorîstî ya DAIŞê di ajansa Aamaq a vê rêxistinê de berpirsatiya teqîna îro li Nehrewanê li rojhilatê Bexdayê qebûl kir.

Teqîna vê otomobîla bombekirî di demekê de ye,ku îro rewşa bajarê Bexdayê aloz e û xwepêşanderên alîgirê Serokê Tevgera Sedir,Muqteda Sedir derbasî nav avahiya parlamentoya Iraqê bûn û avahî dagîr kirin.