|
ZNA-هەولێر لەنزیک هۆلێکی ئاهەنگ گێرانی هاوسەرگیری لە سنووری قەزای سێمێلی سەر بە پارێزگای دهۆک شەر لە نێوان چەند کەسێکدا دروست دەبێت و کوژراو و بریندار لیدەکەوێتەوە.
راستی خەلیل شایەتحال لە نزیک رووداوەکە، بە ئاژانسی هەواڵی زاگرۆسی راگەیاند، ئەمرۆ شەممە ٢ی٣ی٢٠٢٤لەنزیک هۆلێکی ئاهەنگگێران هاوسەرگیری لە سنووری قەزای سێمێلی سەر بە پارێزگای دهۆک شەر لە نێوان دوو بنەمالەدا دروست بووە دواتر هەردوو لایان بۆ بەدەستهێنانی چەک چوونەتەوە بۆ مالاکانیان چەقۆ و چەکیان بە کارهێناوە.
هەروەها راستی خەلیل شایەتحال لە نزیک رووداوەکە ئەوەشی بۆ ئاژانسی هەواڵی زاگرۆس خسەتەروو، کە لە ئەنجامی ئەو شەرەدا دوو کەس بە ناوەکانی ئازاد محەمەد و فەیسەل رەمەزان بە چەقۆ بزامدارکراون، هەروەها کەسێکیش بە ناوی ئدریس رەمەزان لە ئەنجامی بەرکەوتنی گوللەی چەک کە بەسەری کەوتووە گیانی کوژراوە.
رێبازیونس
مشاهدة 1786
|
