|
 |
|
|||
ZNA-هەولێر
مەسرور بارزانی، سەرۆکی حکومەتی هەرێمی کوردستان سەبارەت بە رووداوی ئاگرکەوتنەوەی شەوی رابردوو لە قەزای حەمدانییە، پەیامێکی هاوخەمی بڵاوکردەوە و تێیدا ئامادەیی حکومەتی هەرێمی کوردستانی بۆ هاوکاریکردنی قوربانیانی ئەو رووداوە دووپات کردەوە. سەرۆکی حکومەتی هەرێمی کوردستان رایگەیاند: رووداوی دڵتەزێنی ئاگرکەوتنەوە لە هۆڵێکی ئاهەنگگێڕان لە قەزای حەمدانییە ( بەخدێدا) کە بووە هۆی گیان لەدەستدان و سووتانی سەدان کەس، زۆر خەمباری کردین . مەسرور بارزانی گوتیشی: پرسە و سەرەخۆشی قووڵی خۆم ئاراستەی بنەماڵە و کەسوکاری قوربانیان دەکەم و خۆم بە هاوبەشی خەمیان دەزانم، خوای مەزن گیانیان بە بەهەشت شاد بکات. هیوای زوو چاکبوونەوەش بۆ برینداران دەخوازم . سەرۆکی حکومەتی هەرێمی کوردستان ئاماژەی بەوەدا، دوێنێ شەو لەگەڵ روودانی ئەم کارەساتە، وەزارەتی تەندروستی و هەموو لایەنە پەیوەندیدارەکانی حکومەتی هەرێمی کوردستانی راسپارد، بەزووترین کات بە هانای لێقەوماوانەوە بچن و گوتیشت: ئێستاش ئامادەیی خۆمان بۆ هەموو هاوکارییەکی پێویست دووپات دەکەینەوە. مشاهدة 226 |
من نحن | ارشیف | اتصل بنا
جمیع الحقوق محفوظة وكالة أنباء زاگروس
Developed By: Omed Sherzad